Sunday, July 14, 2013

Yeh din bhi dhal jayega


Yeh din bhi dhal jayega..

Yeh din bhi dhal jayega.. Phir naya kal aayega..
Phir naye kal ke har pal mein, Naseeb phir se likha jayega..

Yeh din bhi dhal jayega..

Phir jagegi nayi ummeed, phir dikhegi manzil kareeb..
Bahut aayengi aarchane par naya hal bhi sang aayega..

Yeh din bhi dhal jayega..

Gir kar uth kar, uth kar gir kar tu manzil tak jayega
Waqt ka imtihaan baar-baar tere dheeraj ko aajmaega..

Yeh din bhi dhal jayega..

Dhal jayegi umeedein teri, khawaab dhundhale bhi honge
Kal ka soch-soch aaj ko gawaana, aise silsile bhi honge
Arjun ki tarah lakshya ki aakh mein tu dekhega agar..
Toh Jeet haar jayegi tere aage, aise falsafe bhi honge

Kaun nahi hai girta bata, kaun nahi hai khaata thokar?
Kaun hai har baar jeet'ta, kaun paata hai bina kuch khokar?
Gir, uth, chal, mudh... Bas tune rukna nahi
Waqt todega peeth teri.. Par tune jhukna nahi

Mushkil samay toh bas hass ka apne aap tal jaeyga
Yeh din bhi dhal jayega.. Phir naya kal aayega

Yeh din bhi dhal jayega..



                                                       - Jorawar Walia

1 comment:

GST Refunds Delhi said...

Very great post. I simply stumbled upon your blog and wanted to say that I have really enjoyed browsing your weblog posts. After all I’ll be subscribing on your feed and I am hoping you write again very soon!